’n Wêreld net so sommer eensamer sonder Elsa
’n Lewe deur Herman Lategan
Die skrywer Elsa Joubert is verlede Sondag in die ouderdom van 97 in die Mediclinic Kaapstad oorlede. Sy is positief vir Covid-19 getoets.
Joubert is ’n week vroeër in haar rolstoel van die Berghof-aftreeoord in Tuine oor die pad gestoot om suurstof en mediese sorg te ontvang.
Dit is dieselfde hospitaal waarna sy eenkeer verwys het as dié plek oorkant die pad waarvandaan bitter min mense van Berghof sal terugkeer. Só was dit dan ook met een van ons land se grootste outeurs.
Haar vriendin Hannah-Reeve Sanders het gesê toe sy hoor Joubert is
