Buig jong boompies met dié leesstof
Diereverkenners: Lola en die singende orgidee met teks en illustrasies deur Sharon Rentta (vertaal deur Jaco Jacobs). Uitgewer: Lapa. Prys: R150. Die ritme van die reën met teks en illustrasies deur Grahame Baker-Smith (vertaal deur Deborah Steinmair). Uitgewer: Protea Boekhuis. Prys: R150.
In die inperkingstyd is ek opnuut verwonderd oor die betekenisvolle bydrae wat prenteboeke kan lewer om van jongs af ’n bewustheid van die natuur en die omgewing te kweek. ’n Mens moet dankbaar wees vir skrywers en illustreerders wat deur middel van oorspronklike, kreatiewe karakter- en temakeuses prenteboeke skep wat jong lesers vroeg-vroeg die pad na omgewingsgeletterdheid wys.
