Vendetta
Deur Tony Park, MacmillanR350 in boekwinkels
Die Australiese skrywer Tony Park het oor die jare heen ’n wenresep bedink vir sy spanningsverhale wat in Afrika afspeel: ’n Span goed ontwikkelde karakters, kennis van wildmisdaad, en aksiebelaaide intriges wat vinnig ontknoop.
In Vendetta val die kollig weer op kapt. Sannie van Rensburg van die Valke. Sy het onlangs na die Suidkus van KwaZulu-Natal getrek en ná ’n skietgeveg by ’n winkelsentrum kruis haar pad met ’n karwag genaamd Adam Kruger – maar hy is glad nie wie hy voorgee nie. Saam pak hulle ’n reis aan na ’n luukse lodge in die Kalahari-woestyn, waar die safarigids Mia Greenaway (ook een van Park se gereelde karakters) werk. Gou word die twee vroue betrek by ’n vete tussen Kruger en vriende uit sy weermagdae – hulle het as valskermsoldate in Angola diens gedoen tydens die Grensoorlog en een van hulle sendings het verkeerd geloop...
Park se verhale sluit dikwels kinkels oor omgewingsake in, en
