Burchell’s African Odyssey: Retracing the Return Journey 1812-1815
Deur Roger Stewart en Marion Whitehead, Struik Nature R400 in boekwinkels
Sowat twee eeue gelede het die Engelse natuurkenner William Burchell net vyf jaar in Suid-Afrika deurgebring, maar vele plaaslike dier-, voël- en plantspesies dra steeds vandag sy naam.
Burchell het tydens sy besoek ’n ekspedisie aangepak deur die meestal onverkende binneland van Suid-Afrika. Hy het van Kaapstad af na die Kalahari gereis om duisende voorbeelde van fauna en flora te versamel, te dokumenteer en te illustreer. Hy het hierdie skof van sy toer in sy bekende boek Travels in the Interior of Southern Africa saamgevat.
Ons weet egter min van sy drie jaar lange terugtog, wat hom na die monding van die Groot-Visrivier in die Oos-Kaap geneem het en toe terug na Kaapstad al met die kus langs. Slegs een van sy dagboeke uit dié tyd het behoue gebly. Die skrywers Roger Stewart en Marion Whitehead het verskeie bronne soos
