IN WIE SE VISIER?
IN DIE lowergroen rykmansbuurt teen die hang van Tafelberg is dit vandag grafstil. Tydens die landwye inperking is die strate verlate sonder die gewone oggendverkeer van inwoners wat in hul luukse motors kantoor toe vertrek of hul kinders by die skool gaan aflaai.
Dan skielik, teen halfagt, verbreek ’n harde klapgeluid die stilte, gevolg deur nog een en nog een …
“Dit was vier skote. Kliphard,” vertel ’n inwoner van Higgovale wat anoniem wil bly.
“Ek was besig om my tande te borsel en dit was so hard, ek was oortuig daarvan dit het by die bure langs ons afgegaan. En toe, seker 30 sekondes later, het
’n voertuig met ’n
