RESENSIES

Vervleg , Petro Hansen (Protea Boekhuis, R180)

Vervleg is ’n weldeurdagte versameling rubrieke deur die skrywer, Petro Hansen, wat in onder meer die dagblaaie Beeld en Die Burger verskyn het. Die titel verwys na hoe lewens, veral binne families, vervleg word deur liefde, maar ook uitmekaar kan skeur. Hansen dra aan haar pa op, wat vóór die boek se publikasie oorlede is. Dit is dus nie toevallig dat rubrieke wat handel oor haar pa die treffendste is nie. “Sommige verledes is onskatbaar,” stel sy dit. Inderdaad.