‘Ons werk vir die superrykes van die wêreld!’
Sy vou 25 keer per dag die punt van die rolletjie toiletpapier in ’n blommetjie, sy kan ’n bed so perfek opmaak en met ’n strykyster platstryk dat dit op ’n foto hoort, en met ’n sak vol oor- en tandestokkies die interieur van ’n 50 m lange superjag blinkskoon kry.
Hy het al 13 uur aanmekaar in ’n enjinkamer van sowat 50 ºC gewerk, toilette reggemaak, ’n superjag van ’n hele paar miljoen dollar daagliks help poets sodat dit lyk asof dit uit die boks kom – en met die eienaar se hondjie gaan stap.
Vir Kapenaars Paul Jordaan en Marike du Toit is dit alles deel van ’n dag se werk op die luukse bote van die superrykes in Amerika, waar hulle die afgelope jaar hul brood verdien het. Hy as deckhand, sy as stewardess.
“Ek het gegaan van die ou wat by die huis die vir my pa aangee en die flits vashou tot die een wat eintlik die werk doen,” skerts
