TERUG NÁ DIE KANKER
ANGELINA JOLIE, Cher, Daryl Hannah, Cindy Crawford … Talle mans sou wat wou gee om aan die sy van net een van dié skoonhede te wees.
Maar een ou kan daarmee spog dat hy met hulle almal uitgegaan het: Val Kilmer, eens een van die aantreklikste – en arrogantste – Hollywoodsterre. Tog is vroue deesdae die laaste ding in sy gedagtes.
“Ek het 20 jaar laas ’n meisie gehad,” erken die 60-jarige in sy nuwe memoires, I’m Your Huckleberry. “Die waarheid is ek is ’n deel van elke dag eensaam.”
Die laaste vrou saam met wie hy romanties afgeneem is, is Winona Ryder. Hulle is in 2015 afgeneem toe hulle mekaar gesoen het. Sedertdien is
