In ’n sirkel deur die land
Het die lus jou al ooit beetgepak om jou bakkie te laai en die land plát te ry? Met hierdie bielie van ’n reis-plan verbind jy al 9 provinsies én 12 van Suid-Afrika se bekendste veldrybestemmings in ’n enkele sirkelroete. Die roete is byna 10 000 km lank en jy bly sover moontlik weg van hoofstede, snelweë en teerpaaie; jy mik eerder vir agterpaaie, grondpaaie en 4x4-tweespore. Padlangs is daar egter genoeg groot dorpe waar jy proviand kan aanskaf vir die volgende been van jou reis.
Jy kan die hele roete aaneenlopend ry, maar ook elkeen van die verskillende bene afsonderlik – ons dui die minimumafstand en aanbevole dae vir elkeen aan.
Die roete word hier antikloksgewys aangedui, maar jy kan hom grotendeels ook in die teenoorgestelde rigting ry. Boonop kan jy op enige punt wegtrek, maar vir hierdie oefening begin en eindig ons in Johannesburg. Dié reisplan is slegs ’n roetebeskrywing en sluit nie oornagplekke in nie, want elke streek het uiteraard ’n aantal besienswaardighede, alternatiewe agterpaaie en interessante draaie weg van die hoofroete af. Buitendien het elke ou sy eie voorkeur van daaglikse afstande en slaapplekke, maar as jy min of meer op hierdie roete bly, kan jy Suid-Afrika binne vyftig dae van hoek tot kant verken.
Maak jou langafstandtenk vol en maak seker die yskas werk. Ons gaan vir ’n rukkie op die pad wees...
KALAHARI EN AUGRABIES
Die eerste 540 km uit Gauteng is ongelukkig op die N14-snelweg. Ja, dit is nie die lekkerste begin nie, maar dit is die vinnigste manier om by die eerste been van die toer – die Kalahari – uit te kom.
Van Kuruman af mik jy noordwes met die R31 deur Hotazel en Vanzylsrus na Askham. Hier neem die R360 jou al langs die Nossobrivier noordwaarts tot by Twee Rivieren, waar jy die Kgalagadi-oorgrenspark binnegaan.
Gee jouself genoeg tyd hier om die park se ikoniese leeus op die grond- en sandpaaie tussen die rooibruin duine te gaan soek. Jy kan ook die Leeudril-4x4-sirkel-roete
You’re reading a preview, subscribe to read more.
Start your free 30 days