BLYPLEK SUIDE
BEKOSTIGBAAR (Sien bl. 21.)
“Ek is hier gebore, ’n regte Buchter! Dis vir my baie lekker om in die vakansietyd op die familieplaas buite Keetmanshoop te kuier. Die hele familie kom daar bymekaar, van Walvisbaai, Swakopmund en Oranjemund.” (Lüderitz se naam was eers Lüderitzbucht. – Red.)
HELMERINGHAUSEN EN TIRASBERG
1 Namtib-biosfeerreservaat
Die D707 is bekend as die grondpad met die mooiste uitsigte in Namibië. Dis dus reeds iets besonders net om tot by die ingang van dié reservaat in die Tirasberg te ry. Die Little Hunter’s Rest-kampterrein is 3 km van die lodge en ontvangs. Jy kamp in die middel van ’n amfiteater met manjifieke berge. Kamp: R170 p.p. (geen krag, braaiplekke, warm storte). Lodgekamers vanaf R1 329 p.p. wat deel, met ontbyt en aandete. Middagete ook beskikbaar. Bespreek vooraf.
GPS S26.03714 E16.26170 ✆00 264 63 683 055; namtib.net
2 Ranch Koiimasis
Op dié plaas van 18 000 ha kan jy stap, perdry en sterrekyk. Slegs toeganklik van die D707 af, teen die berg. Kamp (5 staanplekke met eie braaiplek en gemeenskaplike badkamer): R250 p.p. Die Virosa-chalet (geen kombuis) met slaapplek vir 2 deel ook die kampplek se ablusies: R700 p.n. min. 2 nagte. Die private Schwalbennest-selfsorgchalet met slaapplek vir 2: R1500 p.n. min. 2 aande. Die kamers in die luukse Fest Inn Fels Farm-lodge kos R1 950 p.p. wat deel, met ontbyt.
GPS S25.91252 E16.26763
✆00 264 63 683 052 (Anke);
3 Kanaan N/a’an ku sê Desert Retreat
Kamp kos R205 p.p. – hier is 8 staanplekke met eie ablusies. Luukse en suitetentekamp vanaf R3 675 p.p. wat deel, met aandete en ontbyt.
GPS S25.817403 E016.087784 (hoofhek)
✆00 264 84 000 9190;
4 Aubures Camp
Die afdraai is 55 km van Helmeringhausen af langs die C27. Hier is begeleide rotskunsuitstappies, en bergfiets-en staproetes van die kampterrein af. Hier is 6 kampplekke onder kameeldorings (geen krag, maar warm water vir stort). R300 p.n. vir 2 mense.
GPS S25.72331 E16.44187 ✆00 264 84 000 6014 ✆00 264 81 424 9888 (slegs WhatsApp); amiller@iway.na
5 Lovedale
Dis ’n swakaraskaapplaas sowat 19 km van Helmeringhausen af langs die C27. Kamp:
