DIE LEWE VAN BART TOT NOU
VAN Hillside na Hollywood en nou – vir eers – weer terug by die huis.
Sedert die geliefde 7de Laan-karakter Bart Kruger die sepie in 2004 verlaat het, het die akteur Neil Sandilands die wêreld platgereis, geleer om sy potjie in die ongenaakbare Los Angeles te krap en selfs Amerikaanse burgerskap gekry.
“Daar is 1 001 verhale sedert 2004 om te vertel,” sê Neil (45) kort nadat hy vroeg Maart weer in Kaapstad sy skoene kom uitskop het. Hy is op eie bodem om ’n nuwe plaaslike TV-reeks asook ’n fliek te kom skiet, maar sy merk in Hollywood is gemaak. Later vanjaar sal hy op die silwerdoek te sien wees in die nuwe Wilde Weste-fliek . Dit speel in
