GELUK BY DIE ONGELUK
’nSteekpyn skiet deur Joslyn se tepel tot in haar groottoon. Sy ruk dit vinnig weg en klein Nici begin hard skree. Joslyn probeer haar troos en druk ondanks die pyn weer haar tepel terug in die honger mondjie. Tussendeur bly Joslyn se oë op die horlosie. Sy moet haar CV wegneem vir die company. Sy kan nie bekostig om nie te werk nie.
Drie weke gelede het sy vir Shaun uitgesit. Sy kon nie meer die ander meisies en laat nagte hou nie. Netjies gepak het hy een aand sy goed buite die bungalow gekry. Die volgende oggend was hy en sy goed skoonveld. Sy was bly sy was ’n argument gespaar, maar tog teleurgesteld omdat hy nie probeer bly het nie. Nou is sy en Nici alleen en sy het haar laaste R400 om hulle aan die gang te hou.
Nici is ook sy dogter, so hy kan nie net vergeet van sy verpligtinge nie. Vir ’n week was sy foon
