HALLO MY KUIER-MENSE,
Hierdie uitgawe is drukkers toe gestuur die dag nadat die lyk van die 8-jarige Tazne van Wyk in ’n drein buite Worcester gevind is. Daar is nie woorde vir die skok en ontsteltenis wat ook hier in die Kuier-kantoor geheers het oor die saak nie. Wat Tazne se saak nóg erger maak, is dat die vermeende moordenaar op parool was ten tyde van die voorval. Ons wil ook weet hoe gebeur dit dat iemand wat aan geweldsmidade skuldig bevind is, weer in ons gemeenskap losgelaat kan word om weer kinders te teiken. Dis die vraag wat ons in ons ondersoekstorie (bl. 12) bekyk.
Die stelsel het beslis vir Tazne en soveel ander slagoffers gefaal, maar ons moenie vergeet dat al daai boosdoeners ook mense het nie. Mense wat die gemeenskap teen hulle kon gewaarsku of alarm kon gemaak het. Die regering en polisie sal moet beter doen, maar ek dink nie hulle
