SWART OP WIT LAAT LEES!
LEES IS EEN
van my gunstelingtydverdrywe, reeds van kindsbeen af. Van fiksie tot biografieë, en gedigte, tydskrifte, koerante (snuffelkolomme ingesluit), strokiesverhale, rillers, humor – noem maar op, ek lees dit.
Selfs jeugverhale. Ek het weer onlangs vir my ’n lekker dik, kleurryke boek met 150 monsterstories in ’n speelgoedwinkel aangeskaf. Eintlik was ek daar om vir ’n vriend se seuntjie ’n verjaardaggeskenk te koop.
Hierdie liefde vir die geskrewe woord het juis kleintyd by my posgevat.
