JESSICA SE ONTBOESEMING
VIR haar aanhangers is sy ’n snaakse, borrelende loskopblondine wat haarself nie te ernstig opneem nie, en Jessica Simpson het deur die jare met dié stereotipe saamgespeel.
Dit het haar loopbaan help opbou, van haar ’n beroemde ster gemaak en die sangeres al die pad bank toe laat lag.
Maar vyf jaar gelede – toe sy gevra is om ’n selfhelpboek te skryf – het sy besef sy kon nie met ’n skoon gewete skryf oor die sleutel daartoe om “jou beste lewe te lei” nie.
“Ek was nie gemaklik daarmee om op ’n oneerlike manier oor myself te praat nie,” sê Jessica (39). “Ek’s ’n vrot leuenaar.”
Toe besluit sy om die intieme besonderhede te openbaar oor ’n geheime deel van haar lewe wat sy
