चैत्र महिन्यातील पहिला दिवस म्हणजेच गुढीपाडवा. हा हिंदू नववर्षाचा पहिला दिवस. या दिवशी उंच उंच गुढ्या उभारून, त्यांची पूजा केली जाते. . चैत्र महिन्याचं स्वागत चैत्रांगण या सुंदर रांगोळी ने केले जातं.प्रत्येक सण हा सगळ्यांनी एकत्र येऊन आनंदाची , सुखाची देवाण-घेवाण करण्याचा मंगलप्रसंग असतो..  नातेवाईक, मित्र-मैत्रिणी, आप्तेष्ट सारेजण एकमेकांना भेटतात,एकमेकांना नववर्षाच्या शुभेच्छा दिल्या जातात.. सुखदुःखाच्या गोष्टी होतात, हास्यकल्लोळ आणि गप्पागोष्टींनी सारेजण एकत्र बांधले जातात .. ह्या सगळ्यामधून,   हा आपला परिवार आपल्याबरोबर आहे,  याचा प्रत्येकाला आधार वाटतो. आणि  पुढील वाटचाल खंबीरपणे करायला मनोबल मिळतं, विश्वास मिळतो. आणि गोडाधोडाची मेजवानी ही तर सगळ्यांना आवडणारी   असतेच.हिंदू वर्षातील हा पहिला सण , असल्यामुळे याचे महत्त्व जास्त आहे.चैत्र महिना वसंत ऋतूची चाहूल देत, निसर्गामध्ये विविध सुगंधी, रंगीबेरंगी फुलांची मुक्त उधळण करत असतो.वातावरणातील रखरखत्या उन्हाने प्रत्येक जण त्रासलेला असतो ,  अशावेळी चराचर सृष्टी फुलांनी नटवून जणू निसर्ग आपल्याला नेत्रसुख देऊन शांत करत असतो.
 
You can follow us and leave us feedback on Facebook, Instagram, and Twitter @eplogmedia,
For advertising/partnerships send you can send us an email at bonjour@eplog.media.
If you like this show, please subscribe and leave us a review wherever you get your podcasts, so other people can find us. You can also find us on https://www.eplog.mediaSee omnystudio.com/listener for privacy information.