Rushi Kanda Poonai
By Sivasankari
()
About this ebook
She has many novels, novellas, short stories, travelogues, articles and biographies to her credit. Her works have been translated into several Indian languages, English, Japanese and Ukrainian. Eight of her novels have been made into films, having directed by renowned directors like K. Balachander, SP Muthuraman and Mahendran. Her novel 'Kutti' on girl child labour, filmed by the director Janaki Viswanathan, won the President's Award. Sivasankari's novels have also been made as teleserials, and have won the national as well as regional 'Best Mega Serial' awards.
As a multi-faceted personality, she has won many prestigious awards including Kasturi Srinivasan Award, Raja Sir Annamalai Chettiyar Award, Bharatiya Bhasha Parishad Award, 'Woman of the year 1999-2000' by the International Women's Association, and so on.
'Knit India Through Literature' is her mega-project involving intense sourcing, research and translations of literature from 18 Indian languages, with a mission to introduce Indians to other Indians through culture and literature.
Read more from Sivasankari
Nappaasai Rating: 0 out of 5 stars0 ratingsMookkanaangayiru Rating: 5 out of 5 stars5/5Andhamma Romba Nallavanga Rating: 5 out of 5 stars5/5Aairam Kaalathu Payir Rating: 5 out of 5 stars5/5Suriya Vamsam - Part 1 Rating: 5 out of 5 stars5/5Paarvai Rating: 0 out of 5 stars0 ratingsAmma Rating: 5 out of 5 stars5/5Vetkam Kettavargal Rating: 0 out of 5 stars0 ratingsDeivam Nindru Kollum Rating: 0 out of 5 stars0 ratingsThavam Rating: 5 out of 5 stars5/5Amma Sonna Kathaigal Rating: 0 out of 5 stars0 ratingsKuzhappangal Rating: 0 out of 5 stars0 ratingsOverdose Rating: 0 out of 5 stars0 ratingsPrayachchitham Rating: 4 out of 5 stars4/5Oru Singam Muyalagirathu Rating: 4 out of 5 stars4/5Payirai Meyum Veligal Rating: 5 out of 5 stars5/5Paalangal Rating: 0 out of 5 stars0 ratingsAvargalukku Puriyathu Rating: 5 out of 5 stars5/5Nooleni Rating: 5 out of 5 stars5/5Ivalum Avalum Rating: 0 out of 5 stars0 ratingsAthu Sari Appuram? Rating: 0 out of 5 stars0 ratingsInnoru Karanam Rating: 0 out of 5 stars0 ratings
Related to Rushi Kanda Poonai
Related ebooks
Koondu Nila Rating: 0 out of 5 stars0 ratingsVazhikatti Vazhi Thavarugirathu! Rating: 5 out of 5 stars5/5Innoruthi + Innoruthi Rating: 0 out of 5 stars0 ratingsNenjil Nindrai Kaaviyamai! Rating: 0 out of 5 stars0 ratingsIvale En Manaivi Rating: 5 out of 5 stars5/5Thunbam Nergaiyil… Rating: 5 out of 5 stars5/5Pon Veenai Rating: 0 out of 5 stars0 ratingsMaaya Kangal Rating: 5 out of 5 stars5/5Aasai Kiliye! Azhagiya Rani! Rating: 0 out of 5 stars0 ratingsChinna Chirusugal Rating: 0 out of 5 stars0 ratingsKozhaigal Rating: 0 out of 5 stars0 ratingsGangaikarai Pookkal Rating: 5 out of 5 stars5/5Indru Nee Nalai Nee Endrum Nee Rating: 0 out of 5 stars0 ratingsKaadhal Poyin Rating: 0 out of 5 stars0 ratingsMaalayil Pookkum Malargal Rating: 0 out of 5 stars0 ratingsKappal Paravai Rating: 0 out of 5 stars0 ratingsJanaki Maami Rating: 4 out of 5 stars4/5Amma, Please, Enakkaga... Rating: 2 out of 5 stars2/5Ithuvum Tajmahal Than Rating: 0 out of 5 stars0 ratingsVaasal Illatha Veedu Rating: 0 out of 5 stars0 ratingsMogam Ennum Naadakam Rating: 0 out of 5 stars0 ratingsAnbulla Maanvizhiye Rating: 0 out of 5 stars0 ratingsThagappan Sami Rating: 0 out of 5 stars0 ratingsIrandaavathu Amma Rating: 0 out of 5 stars0 ratingsAasai Ther Rating: 0 out of 5 stars0 ratingsKathavugal Marupadiyum Thirakkalam Rating: 0 out of 5 stars0 ratingsVaasalvarai Vandhaval Rating: 0 out of 5 stars0 ratingsNizhalukku Yengum Marangal Rating: 5 out of 5 stars5/5Vendum Unthan Uravu Rating: 0 out of 5 stars0 ratingsKanavu Mazhai Rating: 0 out of 5 stars0 ratings
Reviews for Rushi Kanda Poonai
0 ratings0 reviews
Book preview
Rushi Kanda Poonai - Sivasankari
https://www.pustaka.co.in
ருசி கண்ட பூனை
Rushi Kanda Poonai
Author:
சிவசங்கரி
Sivasankari
For more books
https://www.pustaka.co.in/home/author/sivasankari-novels
Digital/Electronic Copyright © by Pustaka Digital Media Pvt. Ltd.
All other copyright © by Author.
All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.
பொருளடக்கம்
அத்தியாயம் 1
அத்தியாயம் 2
அத்தியாயம் 3
அத்தியாயம் 4
அத்தியாயம் 5
அத்தியாயம் 6
அத்தியாயம் 7
அத்தியாயம் 8
அத்தியாயம் 9
அத்தியாயம் 10
1
ரத்னாவுக்கு, தரையில் உட்கார்ந்து சாப்பிடுவது சிரமமாக இருந்தது.
அம்மா பக்கத்தில் இருக்கிறாளா என்று தலையைச் சுழற்றிப் பார்த்தாள்.
இல்லை… இவளுக்குத் தயிரும் ஊறுகாயும் போட்ட உடனேயே, கொல்லைப்புறத்துக்குப் போய்விட்டாள்.
இனிமேல் மறுபடியும் உள்ளே வர, குறைந்தது அரைமணியாவது ஆகும் என்று தோன்ற, நிம்மதியாய் இரண்டு கால்களையும் ஒரே பக்கமாய் மடித்து உட்கார்ந்து கொண்டாள். கால்களில் மரத்துப்போன உணர்வு கொஞ்சம் குறைந்த மாதிரி இருந்தது.
அம்மா அருகில் இருந்திருந்தால், இப்படி உட்கார விடமாட்டாள்.
‘இப்படிக் காலை மடிச்சுகிட்டு உக்காரக் கூடாது, ரத்னா…’ என்பாள். ‘சாப்பிடறதே பத்து நிமிஷ நேரம்தான்… அதுக்குள்ள நூறு தரம் நெளிஞ்சு, நெளிஞ்சு உக்காந்துக்கறியே…’ என்பாள்.
‘முன்னயும் இப்படித்தரையில உக்காந்து சாப்பிட்டவதானே? இப்ப மட்டும் உடம்பு சொகுசு கேக்குதாக்கும்!’ என்பாள்.
கேட்கிறதுதான்… சொகுசுதான் கேட்கிறது.
ஒரு வருஷத்துக்கு முன்புவரை இதே கிராமத்தில், இதே வீட்டில், இதே தரையில் உட்கார்ந்து சாப்பிட்டவள்தானே! இப்போது மட்டுமென்ன?
ஒரு வருஷ மெட்ராஸ் வாசம் ஆளை ஏகத்துக்கு மாற்றித்தான் விட்டிருக்கிறது.
குறிப்பாய், ஹாஸ்டல்… சிட்டி மாமா வீட்டு வாழ்க்கை…
வேளாவேளைக்கு மணியடித்த தினுசில் சாப்பாடு, டிபன், காபி…
உடம்பைத் துளி அலட்டிக்கொள்ளாமல், சாப்பாட்டறைக்குப் போய், மேஜை-நாற்காலியில் சாப்பாடு.
இங்கே அம்மா போடுகிற மாதிரி கட்டித்தயிரும் நல்ல நெய்யும், தினுசுதினுசான காயும் பதார்த்தங்களும் அந்த ஹாஸ்டல் மண்ணாங்கட்டி சாப்பாட்டில் கிடையாதுதான்…
ஆனாலும், அந்த செளகர்யமும் வசதியும், மற்ற எதைப் பற்றியும் நினைக்க வைக்காமல் செய்துவிட்டது நிஜம்தானே!
தினம் இப்படித் தரையில் சாப்பிட்டு, மெழுகி… என்ன தேய்த்துக் கழுவியும் போகாத பிசுக்குத்தரை, தாவணியில் வரிவரியாய் பதிந்து எப்போதும் அழுக்காகவே இருக்கிற உணர்வு…
இந்த மாதிரி தொல்லை ஒன்றும் கிடையாது அங்கே.
சொகுசுதான்! சாப்பாடுதான் இப்படியென்றால், தூக்கம், இதர சமாச்சாரங்களும் இதே மாதிரிதான்.
ஓர் அறையில் இரண்டே பேர்கள்… இரண்டு பேருக்கும் தனித்தனி கட்டில், மேஜை, நாற்காலி, அலமாரி.
உடம்பு வலிக்காமல் அங்கே கட்டிலில் படுத்துப் பழக்கம் பண்ணியாகிவிட்டது… இங்கே தரையில் பாயை விரித்துப் படு என்றால், முகம் தானே சுளித்துப்போகிறது.
சொகுசுதான்! சாப்பிட்ட கையோடு தட்டை எடுத்துக்கொண்டு கொல்லைக் கிணற்றடிக்கு வந்து, தொட்டியிலிருந்த தண்ணீரை செம்பால் மொண்டு தட்டைக் கழுவி, கையை ஈரம் போக உதறிக்கொண்டே உள்ளே திரும்புகையில், வாசல் வழியே வீட்டுக்குள் நுழைந்த வேணியையும் விசாலியையும் பார்த்தாள்.
அதே தெருவில் பக்கத்து, எதிர் வீடுகளில் வசிப்பவர்கள்… இவள் வயதையொத்த பெண்கள் என்று சொல்லக்கூடிய சினேகிதிகள்.
அவர்களது வருகை சந்தோஷத்தைத் தருவதற்குப் பதில், ஒருவித சலிப்பையே ரத்னாவுக்குள் உண்டாக்கியது.
எதற்காக வந்திருக்கிறார்கள் என்று யோசிக்கவே வேண்டாம்… தினம் தவறாமல், லீவுக்காக இங்கே வந்துவிட்ட இந்தப் பத்து நாளில், ஒருநாள்கூட விடாமல் வந்துவிடுபவர்கள்தானே!
என்ன பெரிய விஷயம்… ஏதாவது பழைய பஞ்சாங்கம் மாதிரியான புஸ்தகத்தைக் கொடுத்துவிட்டு, ‘உன்கிட்ட வேற புஸ்தகம் இருந்தாக் குடேன், படிச்சிட்டுத் தர்றோம்…’ என்பார்கள்.
இல்லையானால், ‘வேணி வீட்டுல வத்தல் போட்டிருக்காங்களாம், காவலுக்குப் போய் உக்காந்து சும்மா பேசிக்கிட்டிருக்கலாம், வர்றியா ரத்னா?’ என்பார்கள்.
அதுவும் இல்லையென்றால், ‘கனகாம்பரமும் மல்லியும் நிறைய பூத்திருக்கு, கட்டிகிட்டே பேசிட்டிருக்கலாமா?’ என்று கூடைப் பூவைத் தூக்கிக்கொண்டு வருவார்கள்.
‘ஓ, போர்…!’
இந்த ஊரில் வேறு ஒன்றுமே செய்யமாட்டார்களா?
ஒரு இங்கிலீஷ் சினிமா, டிராமா…
ஒரு நல்ல லைப்ரரி...
ஒரு பீச்…
ம்ஹம்! என்ன இருக்கிறது, இந்த இழவெடுத்த கிராமத்தில்!
ஆற்றங்கரை என்று ஒன்று இருக்கிறது, அந்தத் தெருவின் எதிரே… தண்ணீரே இல்லாமல் வற்றிப்போய், மணலாக இருக்கும். அந்த இடத்துக்காவது மாலை வேளைகளில் சற்று காலாற நடந்துபோய் காற்று வாங்கிவருவோம் என்றால்…
அதற்கும் விடமாட்டார்கள். வெயில் சாய்ந்த பின் அந்த மாதிரி தனியான இடங்களுக்கு வயசுப் பெண்கள் போகக்கூடாதாம்… காற்றுக் கறுப்பு அடித்துவிடுமாம்.
லீவுக்காக வந்திருக்கும் நாளிலேயே இங்கே இருக்க முடியவில்லையே… படிப்புகிடிப்பு என்று எதுவுமே இல்லாமல், வருஷம் முன்னூற்று அறுபத்தைந்து நாள்களும் வேணி, விசாலி மற்றவர்களெல்லாம் இந்தப் பட்டிக்காட்டில் எப்படித்தான் வாழ்கிறார்களோ!
சற்றுமுன் எழுந்த சலிப்போடு ஒரு பரிதாபமும் சேர்ந்துகொள்ள, வந்தவர்களை உட்காரச் சொல்லிவிட்டு உள்ளே போனாள்.
தட்டை ஸ்டாண்டில் கவிழ்த்து, சாப்பிட்ட இடத்தைத் துடைத்து, கையை சமையலறை முற்றத்திலேயே அலம்பித் துடைத்துக்கொண்டு வெளியே வந்தாள்.
இரண்டு பெண்களும் நன்றாக டிரெஸ் செய்து, எங்கோ போகிற தினுசில் தயாராக வந்திருப்பதைக் கவனித்தாள்.
என்ன, ரெண்டு பேரும் ஜோரா டிரெஸ் பண்ணிகிட்டு வந்திருக்கீங்க?
வேணி லேசான சந்தோஷத்தோடு, "வெளியே போறோம்,