Pema Dhe Shërbesa Jote

By Dag Heward-Mills

Shumë prej nesh nuk e kuptojnë si historia e pemës së njohjes të së mirës dhe së keqes në Bibël ka lidhje me ne. Mendojmë se ishte një ngjarje e pafat që preku Adamin dhe Evën dhe se ne kemi shpëtuar prej tij. A kemi shpëtuar vërtet nga pema e njohjes të së mirës dhe të së keqes?

Në këtë libër të drejtpërdrejtë do të kuptosh se pema e njohjes të së mirës dhe së keqes ekziston edhe sot. Do të zbulosh gjithashtu se përfaqëson të njëjtin tundim për ne ashtu siç ishte për Adamin dhe Evën. Do të zbulosh njëkohësisht të vërtetat që do të të ndihmojnë të lundrosh përmes jetës dhe shërbesës duke përdorur njohurinë që ke përftuar në këtë libër.

• Language: Gjuha shqipe
• Publisher: Dag Heward-Mills
• Release date: Jun 14, 2018
• ISBN: 9781641348287

Dag Heward-Mills

Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.

Book preview

Pastaj ZOTI Perëndi bëri që të mbijnë nga toka lloj-lloj pemësh të këndshme nga pamja dhe që jepnin fruta të mira për t'u ngrënë; në mes të kopshtit gjendeshin edhe pema e jetës dhe PEMA E NJOHJES TË SË MIRËS DHE TË SË KEQES.

Zanafilla 2:9

Shumë të krishterë nuk e kuptojnë vendin e pemës së njohjes të së mirës dhe të së keqes në jetën tonë. Shpesh kujtojmë se është një pemë e lashtë që ekzistonte në kohën e Adamit dhe të Evës. Besojmë se kjo pemë kishte fryte helmuese që do ta vrisnin në çast atë që i hante.

Është për të ardhur keq, por Adami dhe Eva hëngrën nga kjo pemë dhe vdiqën. Kur e lexojmë këtë histori, mendojmë për veten, Sa keq që Adami dhe Eva hëngrën frytin helmues dhe sa mirë që ne nuk do të tundohemi kurrë nga një pemë e tillë.

Por edhe ne duhet të merremi me të njëjtën pemë dhe frutat e saj. Ajo që duhet të kuptosh është se pema e njohjes të së mirës dhe të së keqes është ende në ekzistencë sot. Shfaq të njëjtin tundim për ne, ashtu si për Adamin dhe Evën dikur. Na shfaqet si një alternativë ndaj Perëndisë.

Në çastin që ke ngrënë nga kjo pemë, ti e di se çfarë është e mirë dhe çfarë gabim. I di gjërat që janë të mira dhe gjërat që janë të këqija. Në çastin që je armatosur me këtë njohuri (e asaj që është e mirë dhe asaj që është gabim) nuk ke nevojë që Perëndia të të thotë se ç’të bësh. Mund të lundrosh përmes jetës dhe shërbesës duke përdorur njohurinë që ke përftuar.

Për mendimtarin e cekët nuk është e dukshme çfarë efekti shkatërrues mund të ketë njohuria e së mirës dhe së keqes. Tek e fundit, nuk është veç njohuria e së keqes, por njohuria e së mirës dhe e së keqes. Kjo pemë ka një efekt mbi ty dhe është efekti më i keq i mundshëm! Të ndan nga udhëheqja e Perëndisë