POSBUS 1802, KAAPSTAD 8000; e-pos: lbw@landbou.com
God se verkwikkende reënbuie
WENBRIEF
“Ek laat die reëns val op die regte tyd, reëns wat voorspoed sal bring (Eseg. 34:26).” Vanoggend toe ek wakker word, hoor ek hoe die reën mildelik bollemakiesie slaan voor my deur. Wat ’n wonderlike ervaring om wakker te word met die beeldskoonste geskenk van reëndruppels. Dankie Vader vir die lewe wat U vir my gee.
Die reën klink soos kleinerige golwe wat op my huisie se sinkdak klots. Ek loof en prys God vir sy mildelike reën waarvoor ons al maande lank bid. God het ons gebede verhoor. Hy laat ons nooit in die steek nie, al gebeur dinge waarvoor ons al maande lank bid nie dadelik nie. Hy laat dinge op sy tyd gebeur.
Ná die mildelike reën bars God se natuurtempel behoorlik uit sy nate. Ek val dadelik op my knieë en ek dank ons Hemelse Vader vir die reën. Ek smeek hom om die drooggeteisterde dele in ons land ook te seën met sy mildelike reën.
Ons boere is die sout van die aarde en hierdie mense is al moedeloos. Hulle word vermoor, hul vee vrek en