‘Wetenskaplikes sê die eerste woord het iets soos “aa” geklink’
‘WAT is jou gunstelingwoord?” vra Palawa die kameelperd vir Paloeka die leeu. Hulle is saam met Bibi, hul vriendin, besig om deur boeke in die Babbelboomhuis te blaai.
“Jy weet mos, ek is eintlik iemand van somme en syfers,” sê Paloeka. “Maar as ek nou ’n woord moet kies … dink ek ek hou van spookasem,” sê hy.
“Oe, dít is ’n lekker woord,” sê Bibi.
“Ja, dit rol so lekker van jou tong af,” sê Palawa.
“Lekker is ook ’n lekker woord,” sê Bibi
