SOMS sou die jong dokter tydens sy diensjare in openbare hospitale of klinieke met sy hande vol bloed in die ongevalleeenheid staan terwyl hy iemand probeer help wat vyf keer geskiet is.
“Dan sou iemand anders inbars en daarop aandring om gehelp te word.”
Daar was geen manier hoe hy daarby kon uitkom om almal gelyk te help nie – dít moes Juandré Klopper gou besef.
Die werklikheid het hom hard getref. “Ek weet van iemand wat eenkeer 24 uur gewag het om gehelp te word,” onthou hy daardie dae. “Daar is eenvoudig nie genoeg dokters in die stelsel nie.”
Die nood in Suid-Afrika se openbare gesondheidsektor is vir niemand nuus nie. Stories oor mense wat dae lank toustaan of in gange rondlê om – soms vergeefs – op hulp te wag is alledaags.
Maar waar baie ander mense deur dié stories hopeloos
