DOKTERS SONDER SKANSE
DIT is woorde wat jou ruk; ’n brief vol verslae verwyt. Die skrywer? ’n Johannesburgse pediater wat genoeg gehad het van verskonings en dit nie meer kan verduur om magteloos toe te kyk hoe kinders ly en sterf nie.
“Liewe administrateurs, verlede week het ek die begrafnis bygewoon van ’n 13-jarige pasiënt wat ek jare lank versorg het,” begin dr. Tim de Maayer van die Rahima Moosa-hospitaal sy ope brief aan die gesondheidsowerhede.
“Vandag moes ek twee ma’s van berading voorsien. Ek wens julle kon die pyn en rou sien wat hierdie ouers en hul families beleef.”
Dan kom die aanklag: “Kinders sterf en die verskriklike toestande in ons openbare hospitale dra by tot hul sterftes.”
Kom kyk na die hospitaal waar ons werk en beleef self hoe dokters
