t – teelepel/s e – eetlepel/s k – koppie/s
HOENDERTAGINE MET DADELS en OLYWE
GENOEG VIR 4 MENSE / BEREIDING: 15 MIN. / GAARMAAK: 4 UUR
◗ 1 x 400 g-blik fyn tamaties
◗ 15 ml (1 e) olyfolie
◗ 1 groot rooi-ui, dun gesny
◗ 2 knoffelhuisies, fyngedruk
◗ 5 ml (1 t) fyn gemmer
◗ 10 ml (2 t) fyn komyn
◗ 10 ml (2 t) paprika
◗ 2,5 ml (½ t) fyn kaneel
◗ sout en peper
◗ 12 medjooldadels
◗ 8 hoenderfilette
VIR VOORSIT
◗ 85 g groot groen olywe
◗ ’n hand vol gekapte koljander
◗ ’n hand vol gekapte platblaarpietersielie
◗ koeskoes
1 Verhit jou prutpot op hoog.
2 Plaas die tamaties, olyfolie, ui, knoffel, gemmer, komyn, paprika en kaneel in die prutpot. Geur goed met sout en peper, en meng. Maak die pot toe met die deksel en kook 2 uur vir die geure om te ontwikkel.
3 Voeg die dadels by en meng deur. Sit weer die deksel op en kook 1 uur.
4 Voeg die hoender by en maak seker dit word heeltemal deur die sous bedek. (Werk vinnig sodat jy nie te veel hitte verloor nie.) Maak die pot toe en kook 1 uur of tot die hoender gaar is.
Roer die olywe, koljander en pietersielie deur, en sit voor