SY WAS een van daardie mense wat gelyk het of hulle vir sosiale media uitgeknip is. Met haar groot oë, helder glimlag en vrolike persoonlikheid het Abby Furness van Brighton in Engeland ’n gemaklike selfvertroue uitgestraal.
Die talentvolle Abby het ’n graad in die uitvoerende kunste agter haar naam gehad. Sy het vuur geblaas, gedans, gesing en modelwerk gedoen. Veral haar Instagram- rekening was ’n uitstalplek vir haar vele talente.
Sy het hard gewerk en was trots daarop dat sy op ’n jong 20 jaar haar aanlyn teenwoordigheid kon gebruik om gereeld werkaanbiedings van bemarkers en geleent-heidsmaatskappye te kry.
Sy het veral ’n natuurlike aanleg gehad om te netwerk en aanlyn kontakte op te bou.
“Ek het altyd gesê dis my superkrag,” sê sy met ’n gespanne glimlag terwyl sy aan haar ou self terugdink. “Sosiale media was waar ek al my werk gekry het. En ek het elke naweek en die meeste aande gewerk.”
Haar aanlyn profiel het gegroei. In 2019 op ’n vakansie op Ibiza saam met haar kêrel het sy vriende gemaak met ’n groep beeldskone jong vroue wat genoeg aanlyn invloed gehad het om as “beïnvloeders” op te tree.
Sy was in haar noppies toe hulle haar op ’n glansryke boottoer saamnooi. Saam met hulle het sy vir selfies poseer – die ene swembroeke en sonsondergange – wat toe met die wêreld gedeel is. Dit was soos ’n droom. “Ek het baie gelukkig gevoel.”
Maar kort nadat
