"Stel God eerste, en daarna jou familie.” Dít was die laaste boodskap wat Tlotlisang Mokotjo (13) op ’n stukkie papier gepen en by die huis gelos het voor haar tragiese dood in ’n busramp wat die land in rou gelaat het.
By dié boodskap was die bekende en vertroostende Bybelverse van Johannes 14:1-4 wat lui hoe ons nie ontsteld moet wees nie, want Jesus het vir ons almal die weg voorberei na God toe.
Die jong Tlotlisang was een van ses graad 8-leerders van die Hoërskool Riebeeckstad in Welkom, Vrystaat, wie se lewe tragies kortgeknip is toe die bus waarin hulle op pad van ’n kamp terug huis toe was op 6 Februarie, tussen Senekal en Ventersburg omgeslaan het.
Van die 58 mense wat op die bus was (50 graad 8’s, ses matrieks en twee onderwysers) het ses leerders gesterf en 42 is na nabygeleë