Die Nooitgedacht Troutlodge lê in die berge van die Mount Andersonwateropvangsgebied, ’n private reservaat van 200 km2 wat in 1989 op die been gebring is.
Nooitgedacht se boskamp is een van die besbewaarde kampgeheime in die land. Buiten ’n Facebookblad is daar nie veel meer inligting op die internet te kry nie – selfs die lodge se webwerf maak nie melding van die kamp nie.
Van die afdraai af by die Finbury-padpredikant op die R36 (S25.034209 E30.481168) is dit 16 km grondpad (waarvan 10 km in die reservaat is) tot by Nooitgedacht. Jy maak die reservaat se hek (S25.052269 E30.524963) oop met die kode wat Arabel Hunter, Nooitgedacht se bestuurder, vir jou stuur.
Vir die volgende 10 km loop die pad oor heuwels en deur valleie tot by Nooitgedacht se hoofhek. Die pad is meestal enkelbaan met ’n paar steil bulte en talle blinde hoogtes en draaie. Daar is ook heelwat hobbels in die pad wat erosie keer,