Wild
Tienie Bamberger het 25 jaar gelede sy jagbesigheid begin met ’n droom, ’n hand vol pamflette en ’n verdienste uit sy selfoonbesigheid in Pretoria. Deesdae bedryf WRSA se Wildboer van die Jaar vir 2023 sy boerdery en trofeejagbesigheid, Warthog Safaris, op 10 000 ha en hy brei uit ondanks die wetgewingswaard wat oor groot dele van die jagbedryf hang.
Tienie draai nie doekies om nie. “Ek streef na winsgewendheid. Die feit dat ek habitat vir my wild bewaar, is ’n uitvloeisel daarvan.”
Eers ses jaar ná ’n wankelrige begin kon hy sy eerste plaas, ’n klein stukkie grond van 189 ha op Steenbokpan naby Lephalale in Limpopo, bekom. Vandag is dit deel van die byna 10 000 ha waarop hy Warthog Safaris saam met sy vrou, Ananja, bedryf.
Sy pa, Ben, was ’n saai-en-melkboer by Ottosdal, waar Tienie sy vormingsjare deurgebring het. Later het droogtes die familie na Bronkhorstspruit gedryf, waar sy pa uiteindelik as polisiespeurder afgetree het.
Tienie het daar gematrikuleer en toe as landboustudent aan