JY SOU dink die man wat vandag hier in sy pak en das voor jou sit, is al jare lank ’n prokureur. Sy wenkbroue en slape is grys, die jare is in plooie oor sy gesig gemerk, en as jy hom vra, vertel hy jou hy is 79 jaar oud.
’n Paar jaar verby die ouderdom waarop die meeste mense in die regsberoep aftree.
Maar dan kom die verrassing: Clive Bartmann het maar twee maande gelede hier by die regsfirma Pillay Thesigan Ingelyf in die Kaapse middestad ingeval. En nee, hy het nie op sy oudag besluit om terug te keer na sy ou beroep om die jongeres touwys te maak nie – dit is sy heel eerste werk in die regswese. Clive, wat in Krugersdorp
