1 ‘EK GAAN NOOIT OPGEE NIE’
Só sê Anzil Williams (16), wat beste wense van sy Bok-helde gekry het nadat hy sy nek in ’n rugbywedstryd op Humansdorp gebreek het
Anzil, jy is ’n ware aansporing en almal kan baie by jou leer. Ek hoop jy kry al die geleenthede om al die rehabilitasie te doen, sodat jy ’n vol en gelukkige lewe kan lei. Jou gesindheid spreek waarlikwaar boekdele.
ROZELL
Baie dankie, jong man, dat jy nie moed opgee nie. Jy het al so ver gekom, jy is amper daar! Hou net nog ’n rukkie langer vol. Ons hou al ons duime vas vir jou en jou familie.
MARELIZA
Jy is so pragtig van binne en buite. Weet net, God sal nie dat jy iets oorkom wat jy nie kan hanteer nie. Ons salueer jou. Ja, elke dag gaan nie ’n sonkyndag wees nie, maar elke dag bring ook nuwe hoop. God se seën vir jou.
NADINE
Jy het nog steeds jou pragtige glimlag. Dit wys net hoe sterk jy is.
