HOE OP aarde onthou enige mens meer as 400 kinders se name?
Wel, dis nie onmoontlik nie. Vra maar vir Wendy Saunders.
Sy is bekend as die poppevrou van Kwa-Zulu-Natal. In Wendy (88) se huis is meer as 400 porseleinpoppe wat sy oor 60 jaar bymekaargemaak het. Elkeen het ’n naam, elkeen het ’n storie, elkeen het ’n spesiale uitrusting, en vir elkeen is sy lief. Hulle is deel van haar.
“As jy na my versameling kyk, sal jy dink dis dalk te veel. My dogter sal selfs vir jou vra wil jy nie 100 van hulle vat nie,” sê Wendy. “Maar nee, hulle is mý poppe, en ek hou van hulle.”
In die mooi ou huis in Westville, Durban, net anderkant die see, lyk dit van buite soos ’n