ONLANGS by die Paryse Modeweek is Mej. Suid-Afrika, Natasha Joubert, deur die Hollywood-aktrise Eva Longoria voorgekeer.
“Ek is mal oor jou rok!” het Eva, veral bekend vir haar rol in Desperate House wives, geborrel. “Hoe gaan dit met jou? Het ek jou aan my vriende voorgestel?”
“Sy is die vriendelikste mens!” onthou Natasha en lag. “Ek dink sy het my met iemand anders verwar, maar dis oukei.”
Maar eintlik ís Natasha nou gemaklik in die glanskringe van die wêreld se mooistes en beroemdstes – sy is immers nou deel van daardie kringe.
En natuurlik kan geen mens Eva kwalik neem dat sy deur Natasha uitgeboul is nie. Nie net deur haar skoonheid nie – ook omdat sy so innemend is. Dis die oogkontak,