t – teelepel/s e – eetlepel/s k – koppie/s
SJOKOLADE-VIERKANTE met GRONDBOONTJIES
GENOEG VIR 24 / BEREIDING: 30 MIN.
◗ 255 g wit malvalekkers
◗ 2,5 ml (½ t) vanieljepasta
◗ 20 g ongesoute botter
◗ 70 g gepofte rys
◗ 30 g fyn klapper
◗ 40 g glanskersies, gekap
◗ 30 g geroosterde grondboontjies, gekap
◗ 400 g melksjokoladesplinters van goeie gehalte
◗ versiersuiker, vir oorsif
Smeer ’n diep bakplaat van 27,5 x 17,5 cm en voer dit met bakpapier uit.
1 Plaas die malvalekkers, vanielje en botter in ’n kastrol en roer oor baie lae hitte tot gesmelt en glad.
2 Verwyder van die plaat en voeg die gepofte rys, klapper, kersies en grondboontjies by. Gebruik ’n slaplemmes om alles goed deur te meng.
3 Plaas die sjokolade in ’n mikrogolfbestande bak en smelt die sjokolade 30 sek. op ’n slag tot jy 50% stukke en 50% loperige sjokolade het. Voeg die sjokolademengsel by die malvalekkermengsel in die kastrol en meng goed deur.
4 Keer dadelik die mengsel in die voorbereide bakplaat uit en versprei dit eweredig. Plaas 15-20 min. in die yskas.
5 Haal die bakplaat uit die yskas en sny die sjokolade in vierkante van so 4 x 4 cm. Sif die versiersuiker oor net voor jy dit voorsit.