HOE graag sou sy nie saam met haar geliefde Pedrie al die drama en euforie van die Bokke se Wêreldbekertriomf wou beleef het nie – al was dit net voor die kassie in die nuwe tuiste wat hulle saam geskep het.
Hier in Kaapstad is die lug vandag nog vol vreugde oor die manne in groen-engoud se onlangse sege, maar gedurende Evette Wannenburg (37) se video-onderhoud met Huisgenoot vanuit die verre Houston, Texas, lê die hartseer by tye vlak op haar gesig.
Dit is net meer as 18 maande sedert die voormalige losvoorspeler van die Bokke en Bulle se dood in ’n verskriklike motorongeluk, en die verlange is nog skerp. “Ek het ’n groep vriende hier en moes vir hulle verduidelik dat die Wêreldbeker ’n groot storie is, en dat
