Terwyl baie mense nog sukkel om gewoond te raakaan die nuwe jaar, worstel Geraido Geduld (50) met die gedagte dat hy 2023 moet aanpak sonder sy vrou, Elize (42), en seun, Janeai (19), wat in die Boksburg-gastenkwa-ramp gesterf het. Vir hom en sy dogter, Chanté (16), is dit byna onmoontlik om te dink dat hul “normaal” nooit weer vir Elize en Janeal sal insluit nie. Beelde van wat op dié tragiese dag einde verlede afgespeel het, sal nog vir lank by hulle spook…
Kerstyd sal vir hulle nooit weer dieselfde wees nie, want op Oukersdag verlede jaar is talle Suid-Afrikaners se lewens onherroeplik verander toe 'n gastenkwa in die Boksburg Plantationwoonbuurt onder 'n treinbrug vasgesit en ontplof het. Dié tenkwa wat aan Infinite Fleet Transport behoort, het gas vanaf Richardsbaai na Botswana vervoer toe die drywer glo 'n verkeerde afrit geneem en die tenkwa onder 'n treinbrug vasgesit het. 'n Gaslek het ontstaan en die wa het ontplof. Teen Kuier se druktyd het die dodetal van die tragedie tot 41 gestyg.
Vra jy vir Geraldo, wat in Gqeberha in die Oos-Kaap woon, hoe hy cope, sê hy: “Wat sê 'n mens vir iemand as jy nou net jou vrou van twintig jaar en jou seun van 19 verloor het?”
Boonop het Geraldo op die ondenkbaarste manier uitgevind dat sy seun op die toneel verbrand het …
Iemand het vir hom 'n video gestuur waarin Janeal duidelik, en hoorbaar, in uiterste pyn verkeer het. Op dié tydstip was Geraldo