HOE verduidelik jy aan ’n 11-jarige sy het ’n gevaarlike soort kanker – en sy kan net gered word as ’n stuk van haar binnekant uitgehaal word?
Wanneer Suné Herselman na haar dogtertjie kyk, wil sy net huil. Sy het nie geweet hoe om dit vir haar kind te sê nie, want sy kon dit self nie verstaan nie.
Haar dogter het onlangs nog met poppe gespeel; nou moet sy ’n siekte trotseer wat meestal eers voorkom by vroue aan die ander kant van 50.
Baarmoederkanker is onlangs by Nita-Jané gediagnoseer, en nie net moes sy hoor sy het ’n lewensbedreigende siekte nie; sy het ook ’n histerektomie nodig om te keer dat die kanker versprei.
Haar familie is verpletter. En die dokters
