Brief uit die buiteland
Die 25-jarige Carla de Kock van Napier in die Wes-Kaap het ná die covid 19-pandemie besluit om haar vlerke te sprei en op ’n plaas in Minnesota in Amerika te gaan werk. Die plaas op die klein dorpie Halstad in die noorde van die Midde-Weste kweek aartappelplante en word deur ’n ma en dogter bestuur. Hulle is bekend daarom dat hulle net vroue in diens neem, “want vroue werk met meer presisie”.
Die afgelope twee jaar lank werk Carla saam met ses ander Suid-Afrikaanse vroue in laboratoriums waar hulle van Januarie tot November aartappelplante kweek. Die saadbank bestaan uit 120 verskillende soorte aartappels van verskillende kleure.
Carla is nou op pad terug na Suid-Afrika vir ’n Somerkersfees saam met haar pa, Japie, op hul plaas by Napier. Japie boer met gars, koring en kanola.
Op die vraag of sy daarna wil terugkeer na Amerika, sê sy: “Dit