Hoe het julle van Limpopo af in die Karoo beland?
Ek en my man, Faan, deel ’n passie vir vee en boer saam met Dohne-Merino’s. Ons het die familieplaas, 25 km van Hofmeyr in die Oos-Kaap, in 2011 by Faan se oom gekoop. Toe ons van die Limpoporivier naby Vaalwater Karoo toe trek, het ons niks van skaapboerdery geweet nie. Ek is ’n opgeleide verpleegkundige en was ’n mediese verteenwoordiger en restaurateur. Vandag werk ek kliphard saam met Faan.
Hoe het jy die titel ‘Jalapeño-koningin’ bekom?
Toe ons op die plaas gekom het, het ek jalapeñosaadjies geplant. Dit het ’n goeie oes gelewer en ek het familieresepte gebruik
