Jag
Mense se idees oor huisklere verskil nogal. Vir my vrou is dit ’n netjiese broek en hempie sodat sy nie eers kamer toe hoef te hardloop om netjies aan te trek as iemand onverwags aan die voordeur klop nie. Ek, aan die ander kant, kry gereeld raas omdat ek met my oudste kortbroek en uitgewaste hemp in die voortuin werk.
Vir my is werkklere dié wat deur die jare die vorm van my lyf aangeneem
