ELKE leser het ’n ander prentjie van hoe hy lyk – maar nou weet ons ook hoe hy kán lyk.
Dis miskien nie heeltemal soos ons hom eers sou voorstel nie: Só mooi was die man dalk nie in lesers se gedagtewêreld nie. Hy’s dan dikwels strompelend eerder as smeulend. Dronk en gebreek. Maar slim soos min en altyd op die spoor van ’n skelm sluwer as die duiwel self.
Maar hier’s hy nou in ’n effe ander gedaante: Bennie Griessel getransformeer vir TV, ’n raps jonger as sy gewone jare en sommer herdoop as “Benny”.
Deon Meyer se speurder het onlangs sy buiging op die skerm gemaak, en een van die bekendste karakters in die Afrikaanse leeswêreld skop, skiet en suip nou in Engels op M-Net. grond, sien ons hoe die speurder soek na ’n reeksmoordenaar wat swaar dra aan sy eie seer.