Inspirasie
Wanneer Wynne Smith van Eston in die KwaZulu-Natalse Middelland in hul distrik rondry, word sy oral begroet met waaiende, glimlaggende kinders wat van die skool af huis toe stap.
“Dit is vir my so lekker. Dit voel of ek ’n verskil maak in kinders se lewe, én ek is bevoorreg om in daardie skole te kan werk,” gesels sy telefonies oor die Eston-uitreikaksie wat sy in 2020 saam met Robyn Armstrong begin het.
“Ek glo daaraan dat liefde die wêreld gaan verander. As ons nie met mense connect nie, gaan ons nooit verandering sien nie,” verduidelik sy haar filosofie.
Saam met ’n groep van sowat 25 vrywilligers, almal boere se vroue uit die omgewing, bied hulle kunsklasse aan by vier laerskole – Hope Valley Primêre Skool, Fairleigh Primêre Skool, Thorner Primêre Skool en Cosmoore Primêre Skool – vir 435 kinders van 7 tot 15 jaar oud.
Die kinders leer
