HAAR ma het haar al gewaarsku om so min as moontlik buitentoe te gaan. Met bendegevegte wat net skielik kan losbreek, is niemand seker van hulle lewe nie.
Soos baie ander tieners is Tania (’n skuilnaam) mal daaroor om tiktoks te maak. Op ’n dag kon sy nie die versoeking weerstaan om ’n video saam met ’n vriend buite die bure se huis te gaan verfilm nie.
Dit moes net ’n bietjie pret gewees het, maar buite in die straat het twee bendes op mekaar begin skiet. Toe ’n koeël Tania in die agterkop tref, het sy nie eens besef sy is gewond nie.
Sy onthou net dat sy op haar