Behoorlik omgeëllie
In September 2021 het ek ’n week lank by Pangolin Photo Safaris se hotel langs die Choberivier in Botswana gekuier. Ons het elke oggend en aand in ’n fotografieboot op die rivier gevaar en baie soorte wild gesien, veral olifante en seekoeie.
Hoewel ons nooit te na aan die diere beweeg het nie, het ons teenwoordigheid een seekoei vreeslik geïrriteer. Elke keer wat ons verbygevaar het, het die seekoei ons gefopstorm. In hierdie geval was daar ’n olifant tussen die boot en die seekoei en ek is dus nie seker wie van ons op die seekoei se senuwees gewerk het nie! Ongeag wie die skuldige was, die oomblik was interessant genoeg vir ’n foto – ek belowe ek het nie een van die diere inge-Photoshop nie!
EDWARD ILLINGWORTH, George
SKRYF AAN ONS EN WEN!
Edward wen ’n stel Zartek ZA-725 tweerigtingsradio’s met ’n GE-295-voertuig-antennastel en GE-259-luidsprekermikrofone ter waarde R4 499.
Zartek se top-radiomodel is perfek vir kommunikasie binne en buite. Dis duursaam en bied duidelike klank en ’n uitstekende
