Kleinvee
Soms is ’n eenvoudige boeresom nodig om sentiment met sy wortels – en regmatige plek – in ’n vorige era, te ontwortel. Waar die voer van wolooie in die vorige droogte die Kasteel-boerdery R780 per ooi per jaar uit die sak gejaag het, het nie-wolooie die Wieses hoogstens R28/ooi gekos. En hoewel daar heelwat veranderlikes is wat nog in dié berekening ingebring moet word, het die groot droogte van 2014 tot 2021 die besluit beklink om meer met vetstertskape te begin boer.
Die Kasteel-boerdery se oorsprong was toe Hentie Wiese se pa, oupa Dries, in die laat 1940’s in die distrik Loxton ingetrek en grond gekoop het. Toe het die boerdery grootliks uit wolboerdery, met Merino’s die aangewese ras, bestaan.
Hentie, wat in 1938 gebore is en ’n groot Merino-man is, het in die jaar van die groot oplewing in die wolbedryf – bekend as die wol- – al ’n paar jaar op die plaas Biesiespoort by Loxton geboer. Hy het die plaas Van Aswegensfontein in 1981