IN DIE NUUS
'n Yskoue bries waai vandag oor die Kaapse Vlakte. Tóg is daar die belofte van die lente in die lug. Netso wink ’n nuwe seisoen ook vir die vrou wat skuil van die buitewêreld se oë binne haar grys huisie.
Haar winter in die tronk was sewe jaar lank. Lavona Solomon, die ontvoerder en grootmaakma van Zephany Nurse, is onlangs op parool vrygelaat. Sy sal die laaste drie jaar van haar vonnis onder korrektiewe toesig uitdien. Soort-van vry.
Dis stil en rustig hier in die straat waar die huise naby mekaar staan. As jy nie van beter geweet het nie, sou jy nooit kon raai dat daar tussen die vier mure van een van dié huise gebeure afgespeel het wat twee families heeltemal uitmekaargeruk, en wêreldwyd opslae gemaak het nie.
Dis die einste grys
