‘RAP IS DIE VENSTER IN IEMAND SE LEWE. JY MOET KENNIS VAN JOUSELF HÊ’
IN DIE straat voor die huis speel die buurt se kinders. Die see is nie van hier af sigbaar nie, maar wel die soutpanne van Bethelsdorp in die verte. ’n Outjie hardloop met ’n vlieër van ’n swart vullissak verby.
Die buurt se bekendste boorling kom uit die huis gestap om ons te verwelkom en groet die seuntjie op sy naam: “Awê, Keenan.”
In hierdie gebied net anderkant die Baai se Coega, waar bendegeweld die ge-meenskap soms ruk, is die Swartz-huis ’n veilige hawe.
Earl Swartz (34), bekend as Early B, woon deesdae in Kaapstad, maar hy kom kuier nog hier by sy ouerhuis so gereeld as wat sy dagboek dit toelaat.
En op hierdie sonderlinge windstil Sondagoggend in Gqeberha is daar ’n oproer in die kleine.
Waar hy ook al gaan, klink sy naam uit inwoners se keel op. “Early B,