“DIE LIEFDE VIR WAT EK GEDOEN HET, HET IN MY GEBRAND. EK SOU DRIEUUR DIE OGGEND LIEDJIES SKRYF EN MYSELF RECORD.”
EARLY B
Toe die foon lui en hy antwoord, sê die mense hulle gee vir hom 'n musiekkontrak – vir die outjie van Bloemendal in die Baai wat van jongs af smiddae leer rymklets het deur te luister na Amerikaanse rappers se musiek op mixtapes in deur-skynende, oopflip-plastiekkassies, almal mooi gebêre in skoenbokse.
Vyf jaar gelede, in Desember 2017, was hierdie droomdeal van Universal Music SA die eerste regte, groot deur wat vir Earl Swartz (32) in sy loopbaan oopgegaan het, die Afrikaanse rapper wat almal nou op sy stage name as Early Bken.
“Dis die eerste keer wat ek gevoel het ek kan nou 'n bietjie verder gaan – dat'n groot deur vir my oopgeswaai het. My deal call met Universal,” vertel Early B aan Kuier.
Hy sien sommer baie uit na 2023 en die nuwe jaar wat voorlê.
“As kind het ek mos gekyk na die oorsese rappers en hulle het hul big deals en big breaks gemaak toe hulle hul record deals kry. Vir my was die oproep op daardie dag daai gevoel daai gevoel van ek het deurgekom, die deur het oopgegaan en nou kan ek my ding doen.”
As hy nou terugkyk na daardie oomblik en oproep, sê Early B, sou hy vir sy jonger self sê: “Gaan met jou gutfeeling soos jy altyd doen, wees jouself, en jou liefwees
