AAN die suidelikste punt van Afrika is iets aan die broei. Of eerder aan die braai. ’n Mens ruik dit reeds waar hulle op die strand gereed maak.
’n Nuwe seisoen van Kokkedoor. Hierdie keer om braaivleisvure op Struisbaai en L’Agulhas. En dié keer kom ’n beoordelaar al die pad uit Parys.
Kobus Botha (59) met sy Robinson Crusoe-baard is groter as die lewe self. Hy het ’n teenwoordigheid wat moeilik geïgnoreer kan word.
Hy is in sy element hier op Struisbaai, waar hy as jong man vis geskiet het in die jare toe ’n mens maklik geelstert agter die banke kon uittrek.
“Ons het met die boot uitgegaan as dit