In April 2017 het Scott en Ammie Pringle en hulle kinders Isabella (18) en Bennett (17) van hulle plaas in die Oos-Kaap na Tafelberg in Kaapstad begin stap. Weg het met hulle gesels.
Wie se idee was dit om van die Winterbergomgewing tot op Tafelberg te stap?
Die saadjie is geplant toe ek in 2016 twee weke lank by Ammie se neef en dié se vriend in Namibië aangesluit het vir die laaste skof van hulle motorfietstoer wat in Londen begin en oor die lengte van Afrika gestrek het. Ons het twee weke met motorfietse gery: Die belewenis het my fisiek en
