RUBRIEK
Dis ’n toneel wat ons almal ken: ’n Rooi driehoek, die gesinnetjie langs die mank motor, iemand wat sukkel met die jack – want dieselfde gesinsmotor wat hom tydens die hele skooljaar soos ’n hoofseun gedra het, rafel vakansietyd skielik uit soos einste hoofseun op ’n Plett Rage...
Toe ek klein was, het ons in Rustenburg gewoon, en later in Meyerton. Hiervandaan sou ons gesin elke jaar na veraf bestemmings toer. Dié reise het ’n paar vreeslike langs-die-pad-gaan-staaninsidente opgelewer wat steeds bydra tot lewendige gesprekke tydens familiekuiers. Want watter jaar het ons nou weer waar gaan staan, en was dit met die groen of die geel Kombi?
Soos ek en my sibbe tot die voltal van ses aangewas het, moes