‘EK HET NOU BAIE MEER TYD VIR MY GESIN, WAT MY BAIE GELUKKIG MAAK’
HAAR blou oë blink nog soos altyd. Daardie vurige bruinrooi lokke hang in bekende golwe oor haar skouers. Selfs haar fluweelstem is nog net so sag en teer, asof die tyd wat verbygaan nie sy merk kon laat op Bertha nie.
Al het baie dinge verander in die nege jaar sedert sy as die gewilde karakter Emma in 7de Laan Hillside en sy mense gegroet het, is die vernaamste daarvan dalk dít: Hier – nou, vandag – is sy in haar gelukkigste seisoen.
Nee, haar aandag is nie meer verdeel soos dit jare terug was nie. Sy bemoei haar nie meer met rillerskedules wat haar dae en weke lank weg van haar gesin hou nie. Sy fokus glad nie meer op wat die publiek van haar wil hê of verwag nie. Sy het haarself al die